პარასკევი

რატომ მაინც და მაინც პარასკევი ? პასუხი მარტივია ! პასტაფარიანული ეკლესია და თვითონ პასტაფარიანელი მრევლი, როგორც მათ ეძახიან, მგზავრები, ოდითგანვე შრომისმოყვარე ხალხი გახლდათ. ისინი არა მარტო სასულიერო, არამედ საერო საქმეებსაც ჩინებულად ასრულებდნენ და ასრულებენ კიდეც. უფალი იგი პასტა მოხარშული დაფიქრდა ერთ დღეს, თუ კი ეს ადამიანები მთელი კვირა მუშაობენ მათ ხომ დასვენება და განტვირთვაც უნდათო?! მან კარგად შეისწავლა ადამიანთა ცხოვრების წესი, იმისდა მიუხედავად, რომ ის ისედაც კარგად იცოდა და გადაწყვიტა სადღესასწაულო დღე ყოველ კვირაში ჰქონოდათ მათ, გრძელმა ღმერთმა მათ უიქ ენდამდე არსებული დღე, პარასკევი, აჩუქა. პარასკევს ყველა ბარს, ლაუნჯსა თუ კლუბში ივენთია, ამიტომაც აღნიშნავს პასტაფარიანული ეკლესია პარასკევს.

პარასკევა და რობიზონი

როგორ გაიგეს ადამიანებმა, რომ პარასკევი წმინდა დღე იყო? ეს ამბავი წმინდა პარასკევას უკავშირდება, რომელიც უკაცრიელ კუნძულზე ცხოვრობდა. მას ერთ დღეს კაპიტანი, გამოჩენილი მეკობრე და ღვთისმოშიში ადამიანი რობიზონი ესტუმრა. წმინდა პარასკევა იმ მეკობრეთა შთამომავალი გახლდათ, რომლებიც მსოფლიოს გარშემო მოგზაურობდნენ და ბავშვებს ტკბილეულს ურიგებდნენ, ამიტომაც უფალმა პასტამ გადაწყიტა გამოცხადებოდა და ეამბო პარასკევასათვის ეს ამბავი ხოლო შემდეგ პარასკევას რობიზონისთვის, რომელიც უკვე ევროპასა და დანარჩენ მსოფლიოში გაავრცელებდა ამ ამბავს. ეს ყველაფერი ასეც მოხდა, დაბრუნდა რობიზონი უკაცრიელი კუნძულიდან ახალი ინფორმაციით, გაეშურა პასტაფარიანულ ეკლესიაში და დაპოსტა იგი.

შრომისა და გართობის მოყვარე მრევლი იგივე მგზავრები

Advertisements

პასტა-კლაუსის ნამდვილი ისტორია

მსოფლიოში “სანტა-კლაუსის” სახელით ცნობილ კეთილ თოვლის ბაბუას ჰყავს დიდი პასტაფარიანელი წინაპარი წმინდა კლაუსი, რომელიც მფრინავი სპაგეტის მონსტრმა ადამიანების დასახმარებლად გამოგზავნა ჩვენს პლანეტაზე.
წმინდა კლაუსი ცნობილია როგორც საუკეთესო მზარეული და დიდი ქველმოქმედი. ის ყოველთვის აპურებდა მშივრებს და პასტას წმინდა კალორიებს არ იშურებდა მორწმუნეებისთვის. ის ყოველთვის იქ იყო სადაც ღვთისმოსავნი პასტას კალორიებს ითხოვდნენ. კლაუსის სიკეთე და სასწაულები ჯერ კიდევ მის სიცოცხლეშივე გახმაურდა ერთი განსაკუთრებული შემთხვევის გამო.
კლაუსის მშობლიურ ქალაქში ცხოვრობდა ერთი პასტაფარიანელი მილიარდელი კაცი რომელიც ურჯულო სექტანტების გამო გაკოტრდა და მისი სამ ქალიშვილთან ერთად უსახლკაროდ და ულუკმაპასტოდ დარჩა და იძულებული გახდა საკუთარი მაკარონის ქარხანა და სასახლე დაეთმო და ბორბლებიან სახლში გადასულიყო საცხოვრებლად. სიღატაკემ უბედური მამა მიიყვანა საშინელ აზრამდე რომ მას თავისი ქალიშვილები მაკდონალდსში გაეშვა სამუშაოდ. ეს ამბავი პასტა-კლაუსის ყურამდეც მივიდა და მან გადაწყვიტა ეხსნა ეს ოჯახი გაჭირვებისგან. ერთ დღესაც მან აიღო მაკარონით სავსე ტომარა და ანონიმურად დაუტოვა ტრეილერის კართან. გაჭირვებაში მყოფმა ოჯახმა იგრძნო წმინდა საცეცების თანადგომა და სულიერად გაძლიერდა. ამ კაცმა გადაწყვიტა ცხოვრების თავიდან დაწყება რაშიც მას წმინდა კლაუსი დაეხმარა, საკმარისი იყო მფრინავი სპაგეტის მონსტრისთვის რაიმე ეთხოვა რომ წმინდა კლაუსი მაშინვე საჩუქარს უკეთებდა და სურვილს უსრულებდა. ამ კაცმა დიდი მაკარონის ქარხანა გახსნა, ხოლო თავის ქალიშვილებს სწრაფი კვების ობიექტები აუშენა სადაც სპაგეტს განსაკუთრებული რეცეპტით ამზადბდნენ და მენიუში ლუდის უამრავი სახეობა ჰქონდათ.
ამ ამბის გაგების შემდეგ ხალხმა წმინდა კლაუსს პასტა-კლაუსი შეარქვა და საახალწლოდ საჩუქრების გადაცემის ტრადიციაც მას დაუკავშირეს. ახლა ყველა ქვეყანა ცდილობს პასტა-კლაუსის სამშობლოდ გამოაცხადოს თავი მაგრამ სინამდვილეში ეს ამბავი იტალიის ერთ-ერთ ქალაქში ნეაპოლში მოხდა და პასტა-კლაუსის მშობლიური ქალაქიც ეს არის.

რა კავშირია კაპიტან ნოესა და XXI საუკუნის მესია მიხეილ-გელა სალუაშვილს შორის

განიერ ზარბაზნული მოთხრობა კაპიტან ნოეზე

კაპიტანი ნოე, პასტისხარშვამდე 344 წელს, დაიბადა ქალაქ დენ ჰედერში (ნიდერლანდები). მისი სრული სახელია ნოე ვან დე გორბახი. იგი ვიკინგთა შთამომავალი გახლდათ და როგორც ვიცით ვიკინგები ოდითგანვე წმინა მეკობრულ ცხოვრებას ეწეოდნენ (მოგზაურობდნენ მსოფლიოს გარშემო გემებით და ბავშვებს ურიგებდნენ ტკბილეულს).
კაპიტან ნოეს 32 წლის ასაკში ხილვა ჰქონდა. მას მფრინავი სპაგეტის მონსტრი გამოცხადა და უამბო წარღვნის შესახებ, რომელიც მთელს ევროპაში ხორბლის ყველა ჯიშს, ძროხებს, ღორებსა და ვეგეტარიანელთათვის სოიასაც გაანადგურებდა. მას ურჩია, აეშენებინა რაც შეიძლება დიდი კიდობანი, სადაც ამ სახეობებს მოათავსებდა და გადაარჩენდა. კაპიტანმა ნოემ ეს ამბავი მის ახლობლებს უამბო, რომლებიც ათეისტები, ქრისტიანები, მუსლიმები და სხვა ურსჯულო სატანისტური სექტების წარმომადგენლები გახლდათ. მათ ნოე აბუჩად აიგდეს დასცინეს და უთხრეს :,,ნოე აიხედე ცაში ჩემი პირში შე***ი ტო ვაფშე ღრუბელი არაა ჩემი დედა მოვ**ნ საიდან მოიტანე’’. ნოეს ამ სიტყვებზე გაეცინა წავიდა და მასალის შეგროვება დაიწყო. ზუსტად 6 თვესა და 9 დღეში მან მსოფლიოში ყველაზე დიდი კიდობანი ააშენა, რომელიც მალევე შევიდა გინესის რეკორდების წიგნშ და კაპიტანი ნოე დააჯილდოვეს.
კიდობნის აშენების შემდეგ ნოემ დაიწყო შეგროვება სოიოს, ღორის, ძროსხისა და ხორბლის ჯიშების შეგროვებისა. როდესაც მან ყველა ევროპულ ჯიშის ზემოთ ჩამოთვლილ ფლორისა და ფაუნის საოცრებებს, მან დაკეტა კიდობანი და წვიმაც დაიწყო. 7 კვირა გადაუღებლად წვიმდა, ადიდდა მდინარეები და ზღვები. წაილეკა მთელი ევროპის ღორები ,ძროხხები , სოიოსა და ხორბლის ჯიშები.
უფალმა პასტამ მალევე შეწყვიტა ეს ყველაფერი , ზოგ–ზოგიერთი ღმერთებისგან განსხვავებით. კაპიტანი ნოეს კიდობანს ამ დროს თურმე ბევრი უცურია და სერბეთის დედაქალაქ ბელგრადში გაჩერებულა. გადმოვიდა კიდობნიდან კაპიტანი ნოე და დაინახა 1000 ულამაზესი ნაშა, რომელიც მის კიდობანს შეცქეროდა. ნოე არ დახამდა და მხოლოდ ერთს უთხრა : ,,ლამაზო აქ რაღაც ხმაურია და ჩემთან ხომ არ ავსულიყავითო’’, ნაშაც დათანხმდა და სიამოვებით გაჰყვა ნოეს. ნოეს ეს ქალი ძალიან მოეწონა და ცოლადაც მოიყვანა. მათ ეყოლათ 3 ვაჟი იოანე, აბრაამი და სერგო. მისმა შვილებმა ჩამოტანილი ჯიშები არა მარტო სერბეთს, ევროპასა და მსოლიოში გაავრცელეს არამედ პასტის წილხვედრ საქართველოშიც.

ვინ არის მიხეილ-გელა სალუაშვილი და რა მისია აკისრია მას ?!

სიმბოლურია რომ კაპიტანი ნოეს დაბრუნება და “რეინკარნაცია” სწორედ პასტას წილხვედრ ქვეყანაში მოხდა ბატონ მიხეილ-გელა სალუაშვილის სახით. როგორც განიერი ზარბაზნის წინასწარმეტყველებაში წერია, წლების შემდეგ პასტის წილხვედრ ქვეყანაში უნდა მოევლინოს მხსნელი, მსგავსი კაპიტანი ნოესი, რომელიც ააშენებდა კიდობანს დათქმულ დროს, თუმცა მანამდე იგი ჩაერთვებოდა პოლიტიკაში და არ გაამჟღავნებდა თავის ნამდვილ რელიგიას, იგი იქნებოდა ამოფარებული რომელიმე სექტის ნიღაბს. სალუაშვილი არის ნამდვილი მეკობრე და ზარბაზან მცოდნე, ამას მისი იუთუბზე დადებული ვიდეოებიც კი ადასტურებს. იგი აქტიურად თანამშრომლობს ,,უეინ ენტერპრაიზთან’’ და ,,საქართველოს პასტაფარიანული ეკლესიის საპატრიარქოსთან’’.

მიხეილ–გელა გახლდათ პრეზიდენტობისა და მერობის კანდიდატი, ასევე გამოდიოდა ნიჭიერში და იყენებდა ამ ტრიბუნას, რათა ხალხს აცნობის, რომ პასტის მეორედ მოხარშვა ახლოვდება.
შეგვიძლია ასევე შემოგთავაზოთ ფოტო მასალა, რომელშიც ნაჩვენებია მის მიერ აშენებული კიდობანი განახლებული ძრავით.

შენ ხარ პასტაფარიანელი !! (წიგნის პრეზენტაცია)

დიდი ხანია არსებობს ინფორმაცია, რომ გარდა ცნობილი და ყველასთვის ხელმისაწვდომი წმინდა წიგნებისა (პასტაფარიანული სახარება და განიერი ზარბაზანი) არსებობს პასტას მიერ შექმნილი წიგნი “შენ ხარ პასტაფარიანელი” რომელშიც დეტალურადაა აღწერილი თუ როგორ უნდა მოვაქციოთ ურწმუნო ადამიანები ჭეშმარიტ რელიგიაზე. წიგნის ონლაინ პრეზენტაცია შედგა გუშინ ჩვენი ფეისბუქის ოფიციალურ გვერდზე. ამ საკითხთან დაკავშირებით კომენტარი გააკეთეს ქართველმა პასტაფარიანემა სასულიერო პირებმა:

“მივიღეთ მინიშნება, რომ არსებობს უძველესი წიგნი რომელშიც დეტალურადაა აღწერილი თუ როგორ უნდა მოვაქციოთ ურწმუნო ერთადერთ ჭეშმარიტ რელიგია პასტაფარიანელობაზე, ეს წიგნი შედგენილია მფრინავი სპაგეტის მონსტრის(იგივე Pasta) მიერ. ასევე ჩვენთვის ცნობილია რომ იგი პასტაფარიანელმა წმინდანმა კაპიტანმა წმინდა ნიმომ ჩამოიტანა და გადამალა პასტის წილხვედრ ქვეყანაში საქართველოში. მისი ადგილმდებარეობა მითითებულია რუკაზე, რომელიც დიდ წინასწარმეტყველ ბობი ჰენდერსონს ერგო წილად, ბობი დიდ ხანს ელოდა, თუ როდის გამოჩნდებობდნენ მართლმორწმუნე პასტაფარიანელები საქართველოში, რათა ენდო მათთვის ის მეტად საპასუხიმგებლო საქმე, რაც არის ამ წმინდა წიგნის პოვნა.”

წიგნი ინგლისურადაა დაწერილი, თუმცა ჩვენმა პატრიარქმა უკვე თარგმნა ის ქართულად. ასევე მან მოგვაწოდა შიდასამზარეულოს ფოტომასალა, თუ როგორ ხდებოდა რუკის გაშიფვრა და წიგნის თარგმნა.

ალბათ დამთხვევა არ არის ის რომ რუკის გაშიფვრა წმინდა მამებმა სწორედ მას შემდეგ შეძლეს რაც სპაგეტის წმინდა კალორიები მიიღეს და წმინდა სასმელით ეზიარნენ.

ეს არის ის რუკა რომლის წაკითხვაც მხოლოდ ქართველებმა მოახერხეს.ეს იყო დასტური იმისა რომ ჩვენ პასტას რჩეული ერი ვართ.

დიდი ხანია სრულიად პასტაფარიანული სამყარო ელოდება ამ წიგნის აღმოჩენას და აი ჩვენ გვაქვს ექსკლუზიური უფლება პირველება წავიკითხოთ ის და გავითვალისწინოთ პასტას რჩევები.

წმინდა წიგნის ყდა. რეცეპტი თუ როგორ მოვაქციოთ ურწმუნოები პასტაფარიანულ რელიგიაზე.

საცეცი უნდა იყოს ყოველთვის თქვენთან! შეახეთ იგი შუბლზე ურწმუნოს და წარმოსთქვით ,,რამენ”. ეს არის უმოკლესი გზა გადავაქციოთ ურწმუნო პასტაფარიანელად.

მოვამზადოთ პასტა-ელექსირი და განვბანოთ ურწმუნო ამით. პასტა-ელექსირის რეცეპტი:1) წყალი 2) პომიდვრის ტომატი 3) შაქარი 4)მარილი 5)ლიმონმჟავა. გამოყენების წინ შეანჯღრიეთ კარგად.

სპეციალურად სატანისტი-როკელებისათვის. ანჩვენეთ პასტაფარიანული სიმბოლოები, ისინი იტყვიან მაგარია და ისინი გაიკეთებენ პასტაფარიანულ ტატუებს.

სპეციალურად მშიერი ურწმუნო ადამიანებისათვის. ჩენ უნდა მოვიწვიოთ ჩვენს სახლში, ვაგემოთ სპაგეტი და ვესაუბროდ ჭეშმარიტ ღმერთზე ( მფრინავი სპაგეტის მონსტრზე).

წიგნის მეექვსე გვერდი დაკარგულია წმინდა ნიმოს მიერ მოგზაურობის დროს!! 

მორსჯულებაი ფანატიკოსებისა. სპეციალურად რელიგიური ფანატიკოსებისათვის. ვესაუბროთ მათ ცუდ მხარეებზე მათი რელიგიისა, ვუთხრათ რომ პასტა არის ტოლერანტი და მას სძულს ჩაგვრვა.
ჰა ჰა .. კარგი . ეს უბრალოდ ხუმრობა იყო. არარსებობს გზა რომლითაც მათ რამეს შეაგნებინებთ.

სპეციალურად არაპასტაფარიანელი მლოცველებისათვის. შევხედოთ მღვდლებს, ვაჩუქოთ მათ უკეთესი ავტომობილი ვიდრე არის ტოიოტა ლენდ ქრუიზერ 200 (რადგანაც ეს მათ უკვე ყავთ) მანქანის ნომერი უნდა შეიცავდეს F.S.M მაგალითად (FSM 777).

სპეციალურად ურწმუნო გოგონათათვის. ჩვენ უნდ ვიპოვნოთ მიმზიდველი პასტაფარიანელი ჰეტრეოსექსუალი ბიჭი და შევახვედროთ ურწმუნო გოგონას.

წიგნის ბოლოს არის მფრინავი სპაგეტის მონსტრის ხელმოერა. ეს არის ერთადერთი შემთხვევა როდესაც ის წმინდა წიგნს ხელს აწწერს.

“ბოდიში ჩემი ცუდი კალიგრაფიისათვის და იმისთვიაც თუ კი მე მაქვს შეცდომები, რადგანაც მე ვარ ძალიან მთვრალი. მე თქვენ სულველა მიყვარხართ და გკოცნით. ხელმოწერა. მ.ს.მონსტრი” აი ასე ამთავრებს თავის ხელნაწერ წიგნს მფრინავი სპაგეტის მონსტრი.

ილაპარაკე როგორც მეკობრემ (Talk Like A Pirate Day)

ილაპარაკე როგორც მეკობრემ არის წმინდა პასტაფარიანული დღესასწაული. სექტანტებისთვის უკეთ გასაგები რომ იყოს შეიძლება ითქვას ეს დღესასწაული ჩვენთვის იგივეა რაც ქრისტიანებისათვის შობა. ეს ის დღეა როცა პასტა ყველა ადამიანს ლოცავს ვინც მეკობრესავით ლაპარაკობს და არ აქვს მნიშვნელობა იქნება ის პასტაფარიანელი თუ არა. ეს დღესასწაული სათავეს 1995 წლიდან იღებს რაც კიდევ ერთხელ ამტკიცებს, რომ პასტაფარიანობა ძირძველი რელიგიაა და მანამდე არსებობდა სანამ წინასწარმეტყველი ბობი ჰენდერსონი მას მთელს მსოფლიოს გააცნობდა.

ეს წმინდა დღესასწაული ისევე როგორც ყველაფერი ხილული და უხილავი პასტას წყალობით შეიქმნა, თუმცა ამ დროს პასტას “ჰევენში” გადაუდებელი საქმე ჰქონდა და არ ეცალა პირადი ვიზიტისათვის ამიტომ ის თავის 2 რჩეულს ჯონ ბაუერს და მარკ სამერსს გამოეცხადა, რომელბიც დიდი ხნის მეგობრები და ჭეშმარიტი მორწმუნეები იყვნენ და გამოცხადების დროს სწორედ წმინდა სასმელს, ლუდს მიირთმევდნენ. წმინდა დღესასწაულის თარიღი პასტამ მარკს გაუმხილა, ხოლო მაკარონის მოხარშვის განსაკუტრებული რეცეპტი ჯონს და მათ დაავალა ყოველწელს განსაკუთრებულად აღენიშნათ ეს თარიღი, გაეთვალისწინებინათ ყველა დეტალი დაწყებული ჩაცმულობიდან დამთავრებული მეკობრული “სლენგებით”. ამ დღესასწაულის ხალხში გავრცელება რთული მისია იყო და ასე უცბათ ვერ მოხერხდებოდა, ამიტომ დაახლოებით 7 წლის განმავლობაში ეს დღე ჭეშმარიტ მორწმუნეთა ვიწრო წრეში აღინიშნებოდა. ამ დღესასწაულის გავრცელებასა და ტრადიციებისა და რიტუალების შემონახვაში დიდი წვლილი მიუძღვის ჯონისა და მარკის კიდევ ერთ მეგობარს ბრაიანს რომელიც თავის რჩეულ მეგობრებს არ აძლევდა საშუალებას დანებებულიყვნენ და ამხნევებდა მათ, რათა მათი წყალობით მთელს მსოფლიოში გავრცელებულიყო პასტას გამოცხადებისა და ამ დღესასწაულის შექმნის ისტორია. ამბობენ, რომ ბრაიანიც პასტას მიერ მიგზავნილი მოციქული იყო თავისი მეგობრების დასახმარებლად. მაშინ, როდესაც მეგობრებს ყველა იმედი გადაწურული ჰქონდათ პასტა მათ შეეხო თავისი კალორიული საცეცებით და მიაწოდა არაჩვეულებრივი იდეა, რაც იმაში მდგომარეობდა რომ “ილაპარაკე როგორც მეკობრემ” ხალხში უნდა გაევრცელებინა ცნობილ პიროვნებას და ვინ იქნებოდა ეს თუ არა ცნობილი მიმომხილველი დეივ ბერი, რომელსაც მოეწონა ეს იდეა და გადაწყვიტა დახმარება. მან თავის მიმოხილვაში ილაპარაკა ამ დღესასწაულზე და როგორც მოსალოდნელი იყო უამრავი ადამიანი დააინტერესა.

სწორედ ამ ადამიანების დამსახურებაა ის, რომ დღესასწაულმა ჩვნამდე მოაღწია თავისი რიტუალებითა და რეცეპტებით. წელს განსაკუთრებული შემთხვევაა, როცა ორი დღესასწაული ერთმანეთს ემთხვევა, პარასკევი, ჩვენი წმინდა დღე და 19 სექტემბერი “ილაპარაკე როგორც მეკობრემ”. ხვალ ყველა ჭეშმარიტმა პასტაფარიანელმა უნდა მიიღოს პასტას კალორიები, ეზიაროს წმინდა სასმელით ლუდით და გაერთოს ისე, როგორც ნამდვილ მორწმუნეს შეეფერება, დაიმხოს ყველაფერი და დაიკიდოს ყველას აზრი (განსაკუთრებით სექტანტების). პასტა ჩვენი ცოდვებისთვის მოიხარშა და ეს ის მცირედია რაც ჩვენ შეგვიძლია მისთვის და საკუთარი თავისთვის გავაკეთოთ. პასტას კალორიული საცეცები იყოს თქვენი შემწე, რამენ !!

პასტაჰოვას მოწმეები

დღეს ალბათ ყველა ჭეშმარიტი ქართველი პასტაფარიანელი ამჩნევს, რომ ჩვენს ქვეყანაში ძალიან მომრავლდა პასტაფარიანული სექტები, რომლებიც ამახინჯებენ პასტას სიტყვებს და რწმენას. ისინი ცდილობენ ჭეშმარიტი პასტაფარიანელები გადაიბირონ და ამისთვის ბინძურ ხრიკებს იყენებენ. მათ გააჩნიათ საკუთარი დოგმები და პრინციპები, რომლებიც მართალია წმინდა წიგნებიდან იღებს სათავეს, მაგრამ მოვლენების არასწორი გაგებით ან ფაქტების დამახინჯებითაა მიღებული. ერთ-ერთი ასეთი სექტის წარმომადგენლები არიან პასტაჰოვას მოწმეები, რომლებიც აწუხებენ ხალხს და თავს ახვევენ საკუთარ რწმენას. ეს, რა თქმა უნდა, დაუშვებელია და აუცილებელია მიღებულ იქნეს შესაბამისი ზომები. ამ საკითხთან დაკავშირებით მრევლს გაესაუბრა ჩვენი პატრიარქი და მისცა რჩევები, თუ როგორ უნდა მოიქცნენ სექტანტებთან ურთიერთობისას.

პასტაჰოვას მოწმეები საქართველოში
ვინ არიან და რას წარმოადგენენ პასტაჰოვას მოწმეები სინამდვილეში? საიდან შემოვიდნენ ისინი საქართველოში? ამ კითხვაზე პასუხის გაცემას ,,საქართველოს პასტაფარიანელ მშობელთა კავშირი’’ შეეცადა.
როგორც ირკვევა პასტაჰოვას მოწმეები არიან დაფინანსებული ამერიკისა და ისრაელის მიერ. ისინი ავრცელებენ თავიანთ წიგნებს ხალხში და ცდილობენ მათ გადმობირებას. ,,პასტაჰოვას მოწმეებმა ჩამთრევი საუბარი იციან მათ არ უნდა აყვე’’ – აცხადებს სრულიად საქართველოს პასტოლიკოს პატრიარქი უწმინდესი და უსექსუალურესი ნიკა პირველი პასტაფარიანლი.
პასტაჰოვას მოწმეები ზოგადად განიხილავენ განიერ ზარბაზანს , ისინი აღარებენ მხოლოდ სპაგეტის და არა მის მითბოლებს.
საიდან მოდის სახელი პასტაჰოვა? როგორც ვიცით ძველ გოსპელში ნახსენებია უფალი იგი სპაგეტი როგორც პასეღო, სწორედ აქიდანაა წარმომდგარი სახელი პასტაჰოვა, მართლმორწმუნე პასტაფარიანელები მათ პასტაღოველებს ეძახიან.
როგორ მოვიქცეთ მათი დანახვისას ? განვერიდოთ, მივიღოთ საკვები ხოლო ამის შემდეგ დავხოცოთ ეგ ნაძირლები.

სანამ პატრიარქი  შეხვედრას გამართავდა მანამდეც გამოქვეყნდა ინფორმაცია ამ სექტის შესახებ. ქართული პასტაფარიანული ეკლესიის ფეისბუქის ოფიციალურ გვერდზე გავრცელდა გამაფრთხილებელი პოსტი რომელიც შემდეგნაირად ჟღერდა: 

 

“სამწუხაროა რომ მომრავლდნენ ცრუმქადაგებლები და მწვალებლები, რომელთა წინამორბედებიც გამოეყვნენ ერთ დროს დედა ეკლესიას წმინდა მფრინავი სპაგეტის მონსტრის ეკლესიას და აირჩიეს სქიზმური დამოკიდებულება, ისინი ანხორციელებენ პასტაფარიანელობის ერთ-ერთი წმინდა წიგნის “განიერი ზარბაზანი”-ს მიზანმიმართულ დამახინჯებას და არასწორი ვერსიების გავრცელებას საზოგადოებაში, ეს კონკრეტული ჯგუფი თავიანთ თავს “პასტეჰოვას მოწმეებს” უწოდებენ, თუმცა სინამდვილეში მათ “პასტაღოველები” ჰქვიათ, ყურადღებით იყავით, ნუ შეხვალთ მათთან კამათში, ისინი დადიან ქუჩებში და არიგებენ წმინდა წიგნის დამახინჯებულ ვერსიებს, ამ ფოტოზე არის გამოსახული მათ ბუკლეტების გარეკანზე გადაღებული ფოტო. ისინი აკითხავენ სახლში ხალხს და დღითიდღე უფრო და უფრო მეტ პასტაფარიანელებს აცდუნებენ და აქცევენ პასტაღოველებად. უფალი პასტა იყოს თქვენი და თქვენი ოჯახების მფრაველი, რამენ !!”

წმინდა ნიმოს ისტორია

სრულიად საქართველოს პატრიარქმა უსიმპატიურესმა და უსექსუალურესმა ნიკა ჭარელმა გაავრცელა ისტორია იმის შესახებ თუ როგორ გააპასტაფარიანელა წმინდა ნიმომ საქართველო. როგორც იცით საქართველო პასტას წილხვედრი ქვეყანაა და ნიმოს აქ ჩამოსვლაც მისი სურვილი იყო.

  

წმინდა ნიმო 1969 წელს ამერიკის ერთ-ერთ შტატში, პენსილვანიაში იშვა პასტაფარიანულ ოჯახში. მამა , კალისტრატე ,შეფ მზარეულად იტალუირ რესტორანში მუშაობდა ხოლო დედა ,მარია, სპაგეტის ქარხნის პიარ მენეჯერი გახლდათ. დამერწმუნებით ასეთ რელიგიისათვის თავდადებულ ადამინებს შვილის მართლმორწმუნე პასტაფარიანელად ჩამოყალიბება არ გაუჭირდებოდათ. წმინდა ნიმო რჩეული გახლდათ, მას 1 დღეს ხილვა ჰქონდა. მას პასტა იგი უფალი გამოეცხადა, რომელმაც მეტად საპასუხისმგებლო მისია დააკისრა. ნიმო უნდა ჩასულიყო შორეულ საქართველოში და ექადაგა პასტაფარიანიზმი.
 

ამ დროს საქართველოში მეფობდნენ ისეთი ცნობილი მასონები, როგორებიც არიან : ირაკლი ჩარკვიანი, ლექ-სენი, ნინო ჩხეიძე. ეს სამკუთხედი უდიდეს ძალასა და საშიშროებას წარმოადგენდა საქართველოსათვის. ისინი ათეისტები გახლდათ და ეთაყვანებოდნენ მათ ღვთაება ათეოს, ასევე ათეისტ მესია დრავინ ბედფორდს.
   

წმინდა ნიმო, როგორც ნამდვილი პასტაფარიანელი, გემით გაემართა საქართველოსკენ. იგი პირველად ქალაქ ფაზის (ფოთი) მიადგა სადაც საკამოდ გულგრილად შეხვდა ხალხი, რადგანაც არ ჰქონდათ წმინდა ნიმოს თავი ისეთი დაკბენილნი იყვნენ კოღოებისაგან. წმინდა ნიმომ ამ ქალაქში არაერთი სასწაული მოახდინა, იგი კურნავდა ცხარე საწებლით კოღოებისაგან დაკბენილებს, თუმცა ხალხი მას მაინც არ ენდობოდა.
   

წმინდა ნიმო 2005 წლის ივნისის 9 რიცხვში თბილისს მიადგა. ეს ამბავი სწრაფად მივიდა ირაკლი ჩარკვიანამდე, რომელმაც გასცა ბრძანება მოეკლათ წმინდა ნიმო იმ შემთხვევაში თუ კი მას აღმოუჩენდნენ მის კარავში მითბოლებს (გუფთის რგოლებს). წმინდა ნიმო სწორედ გუფთის ბურთების სამზადისში იყო როდესაც ეს გაიგო. მან ადაწყვიტა გადაემალა მითბოლები და ისინი საგანგებოდ ფოთიდან წამოღებულ ვაზის ფოთლებში გაახვია. როდესაც ჯალათები ნიმოს სახლში შემოუვარნენ გაჩხრიკეს სამზარეულო იქ ასეთი რამ იხილეს, მრგვალი ფორმის ვაზის ფოთლები ცხელ წყალს ფერს უცვლიდა. ამ მოვლენას ,,ტოლმ’’ა უწოდეს , რაც ბერძნულად გემრიელ სასწაულს ნიშნავს. ჯალათები ირაკლისთან ხელცარიელნი მივიდნენ. განრისხებული მეფე ათეოს ნიმოს მოკვლას შეევედრა და ჯალათებს მისი მოყვანა უბრძანა. ნიმო მეფესთან გამოცხადდა მან წამოსთქვა სიტყვა : ,,რამენ’’. მთელს თბილისში უკუნი ჩამოწვა, მეფე ევედრებოდა ნიმოს გაექრო ღრუბელი და ისევ მზე გამოჩენილიყო. ნიმომ კიდევ ერტხელ მოახდინა სასწაული და განდევნა ღრუბელი. გაოგნებული მეფე ნიმოს სასწაულის ახსნას სთხოვდა. ნიმომ მას 3 წიგნი გადასცა განიერი ზარბაზანი, პასტაფარიანული სახარება და სრულყოფილი რეცეპტი თუ როგორ მოვარჯულოთ ურწმუნო ( შენ ხარ პასტაფარიანელი). ამის შემდეგ საქართველოში წამყვან რელიგიად პასტაფარიანიზმი გამოცხადდა. აშენდა არაერთი მაკარონის ქარხანა და სტრიპტიზ ბარი.

8 “უკეთესი იქნება თუ ამას არ გააკეთებ”

1. უკეთესი იქნება, თუ არ მოიქცევი როგორც ქედმაღალი წმინდანი, როდესაც ჩემი მაკარონის მადლზე იქადაგებ. თუ სხვა ადამიანებს არ სწამთ ჩემი, ამაში არაფერია საშიში. მასეთი პატივმოყვარეც არ ვარ, გულახდილად. გარდა ამისა, ჩვენ მათზე არ ვსაუბრობთ, ასე რომ ნუ გადავიტანთ ყურადღებას.

2. უკეთსი იქნება, თუ ჩემი სახელით არ გაამართლებთ სხვების ჩაგვრას, მონობას, წამებას და ეკონომიკურ ექსპლუატაცია. ნუ შენც იცი… საერთოდ ცუდ მოპყრობას გარშემომყოფებთან. მე არ ვითხოვ მსხვერპლს, სიწმინდე აუცილებელია სასმელი წყლისთვის, არა ადამიანებისთვის.

3. უკეთესი იქნება, თუ ადამიანებს არ განსჯი მათი გარეგნობის, ჩაცმულობის, მეტყველების მიხედვით. საერთოდაც კარგად მოიქეცი, კარგი? და შეუშვით ეს თქვენს სულელ თავებში: ქალი-პიროვნებაა, კაცი-პიროვნებაა და მუდო-მუდოა. არავინაა სხვაზე უკეთესი, ნუ გარდა გემოვნებისა. მაპატიეთ, მაგრამ ამით დავაჯილდოვე მხოლოდ ქალები და რამდენიმე კაცი, ვინც არჩევს იასამნისფერს ცისფერისაგან.

4. უკეთესი იქნება, თუ არ ჩაიდენ ისეთ რამეს, რაც შეურაცხგყოფს თავად შენ ან შენს არჩევანს. თუ არ მეთანხმებით, ჩემი აზრით, გამოსავალია – მოგ***ნიათ კარგის ტ***ი. თუ თვლით რომ ეს შეურაცხგყოფთ შეგიძლიათ მრავალფეროვნებისთვის ერთხელ მაინც გამორთოთ ტელევიზორები და გახვიდეთ სასეირნოდ.

5. უკეთესი იქნება, თუ არ შეებრძოლებით ფანატიკოსებს, ქალთმოძულეებს და სხვა ბოროტი იდეოლოგიის მქონე პირებს მშიერ მუცელზე. ჯერ ჭამე და მერე მიაკითხე მაგ *ოზებს.

6. უკეთესი იქნება, თუ არ დახარჯავ უამრავ ფულს ეკლესიის, ტაძრისა თუ მეჩეთის მშენებლობაზე ჩემი კალორიული მადლის სათაყვანებლად, როდესაც შეგიძლია ეს ფული უკეთესად გამოიყენო. აირჩიე რაზე:

•  სიღარიბის აღმოფხვრა.
•  ავადმყოფების მკურნალობა;
•  მშვიდობიანი ცხოვრება, ვნებიანი სიყვარული და ინტერნეტის ფასის შემცირება. მიუხედავად იმისა, რომ მე რთული აგებულების, ყოვლისმხედველი არსება ვარ, მე მიყვარს ცხოვრების ყველა უბრალო სიამოვნება. სხვამ ვინ იცის ჩემზე უკეთ? მე შევქმენი ყველაფერი.

7. უკეთსი იქნება, თუ არ მოუყვები ყველას, როგორ გესაუბრები. არ ხარ შენ ამდენად საინტერესო სხვებისთვის. გეყოფა მხოლოდ შენს თავზე ფიქრი. გახსოვდეს, მე გითხარი რომ გიყვარდეს შენი ახლობელი. ნუთუ ვერ ჩავიდა შენს თავში?

8. უკეთესი იქნება, თუ არ მოექცევი სხვებს ისე, როგორც გინდა რო მოგექცნენ შენ, როდესაც საუბარია დიდი რაოდენობით ლატექსსა და ვაზელინზე. მაგრამ თუ ეს სხვა ადამიანსაც მოსწონს, შეგიძლიათ ეს გააკეთოთ, ოღონდ მონსტრის გულისთვის, პრეზერვატივი გამოიყენეთ. ეს ხომ უბრალო რეზინია. მე რომ მდომოდა, რომ თქვენ სიამოვნება არ მიგეღოთ, მოვიფიქრებდი რამე „შიპების“ მსგავსს

 

როგორ გავხდეთ პასტაფარიანელი

      11 ეტაპი თუ როგორ გახდეთ პასტაფარიანელი

 1. გაეცანი პასტაფარიანიზმს და მათ წმინდა წიგნებს. პასტაფარიანელების ოფიციალური წმინდა წიგნი მფრინავი სპაგეტის მონსტრის სახარებაა.

 2. გაიგე რატომ დაარსდა პასტაფარიანული ეკლესია.  ის 2005 წელს დაარსა ბობი ჰენდერსონმა რათა გამოეხატა ირონიული პროტესტი კანზასის განათლების საბჭოს გადაწყვეტილების მიმართ საჯარო სკოლებში ევოლუციის ნაცვლად გონივრული ჩანაფიქრის თეორია ესწავლებინათ. 

 3. გაეცანი პასტაფარიანელების ძირითად რწმენას (მეკობრეების ღვთაებრივი წარმოშობა, ჩვენს სამოთხეში ლუდის ვულკანებისა და სტრიპტიზიორების ქარხნის არსებობა და ა.შ)

 4. როდესაც შესაძლებლობა გექნება ილაპარაკე და ჩაიცვი ისე როგორც პასტაფარიანელმა. ეს განსაკუთრებით მაშინ უნდა გააკეთო თუ გადაწყვეტ პასტას სიტყვა იქადაგო

 5. აირჩიე რომელი პასტაფარიანული სექტის წევრი გინდა გახდე. შეგიძლია გახდე მართლმადიდებელი პასტაფარიანელი ან პროტესტანტი პასტაფარიანელი

 6. დაივიწყე ყველანაირი მორალური სტანდარტები. პასტაფარიანელებს უყვართ დალევა, მოწევა და სამუშაოსგან დასვენების დღეები

 7. დაიცავი 8 “უკეთესია თუ ამას არ გააკეთებ”

 8. დაიმახსოვრე და აღნიშნე პასტაფარიანული დღესასწაულები. ძირითადად ესენია პარასკევი (ჩვენი დასვენების დღე) და მეკობრეების დღე (19 სექტემბერი)

 9. ყოველთვის დაასრულე შენი ლოცვა სიტყვით “რამენ” !!

10. რაც მთავარია კარგად გაერთე და დატკბი ცხოვრებით

11. არასდროს განდევნო ის ადამიანები ვისაც არ სწამს მფრინავი სპაგეტის მონსტრის

მფრინავი სპაგეტის მონსტრის ქანდაკება ტენესის შტატის სასამართლოს შენობასთან

 ტენესის შტატში, ქალაქ ქროსვილში, ადამიანების ჯგუფმა მიიღო უფლება სიტყვის თავისუფლების სიმბოლოდ ადგილობრივი სასმართლოს შენობის წინ დაედგათ მფრინავი სპაგეტის მონსტრის ქანდაკება.

ასტაფარიანელები ან უბრალოდ მფრინავი სპაგეტის მონსტრის თაყვანისმცემლებს გაახარებთ ტენესის შტატში დაფიქსირებული შემთხვევა. ქროსვილში მცხოვრებმა პასტაფარიანელთა ჯგუფმა მიიღო თანხმობა, დაედგა მფრინავი სპაგეტის მონსტრის ქანდაკება ადგილობრივი სასამართლოს შენობის წინ. ამ ქანდაკების შექმნასა და მისი დადგმის უფლების მოპოვებაში რამდენიმე ადამიანი მონაწილეობდა და მათ შორის იყო არიელ სეფდი, ადგილობრივი პასტაფარიანული ეკლესიის წევრი. მან განაცხადა, რომ მისთვის და მისი მეგობრებისთვის ამ ქაანდაკების შექმნა და შემდეგ მისი დამონტაჟების უფლების მოთხოვნა არა რელიგიასთან არამედ სიტყვისა და აზრის თავისუფლებასთან იყო დაკავშირებული. ეს ლოგიკურად ჟღერს, რადგან მფრინავი სპაგეტის მონსტრის მთავარი არსი იმაში მდგომარეობს, რომ თუ საზოგადოებას სწამს და ნდობას უცხადებს სიცოცხლის წარმოშობის ერთ თეორიას მაშინ სხვა თეორიებსაც უნდა მისცეს შანსი.

ქვემოთ წარმოდგენილია სიტყვა, რომელიც იდეის ავტორებმა წარმოთქვეს ქანდაკების დამონტაჟების შემდეგ.

    “ჩვენ გვაქვს ბედნიერება ვიცხოვროთ ქვეყანაში, რომელიც ჩვენ, მის მოქალაქეებს, გვაძლევს სიტყვის თავისუფლებას. მე გადავწყვიტე მფრინავი სპაგეტის მონსტრის ქანდაკების დადგმა სიმბოლო იმისა, რომ ხალხს აქვს განსხვავებული რწმენა და შეხედულებები. განსხვავებული რწმენა, ეროვნება და წარმომავლობა ჩვენს საზოგადოებას უფრო ძლიერს და მრავალფეროვანს ხდის. მე ამაყი ვარ და პატივს ვცემ გადაწყვეტილებას სასამართლოს შენობის წინ ამ პატარა ადგილას თავმოყრილი იყოს სხვადასხვა რწმენა და შეხედულება. აქ ჩვენ შეგვიძლია ერთმანეთს გავუზიაროთ ჩვენი პრობლემები და დავაფიქსიროთ საკუთარი აზრი , იქნება ეს ჩვენი ქვეყნისათვის ბრძოლაში დაღუპული ჯარისკაცების მემორიალით, თავისუფლების ქანდაკებით, ჯგუფის ბრძოლით უსახლკარობის პრობლების აღსაკვეთად თუ ძლიერი რწმენის სიმბოლოებით. მე ძალიან ვაფასებ აზრის ამ ღია გამოხატულებას საზოგადოების თითოეულ წევრს შორის.”